Ämbder Wii
[Der Wein as Embd]
Gregor Brunner
Der Weiler Derfji, der älteste Dorfteil von Embd; Der Weiler Derfji, der älteste Dorfteil von Embd;
Quelle:Johann Christina: Erinnern sie sich. Augstbord
Gesamtüberblick über das Dorf Embd (VS, CH) von der gegenüberliegenden Talseite (Grächen) aus. Gesamtüberblick über das Dorf Embd (VS, CH) von der gegenüberliegenden Talseite (Grächen) aus.
Ämbder Wii
Der Weiler Derfji, der älteste Dorfteil von Embd; Der Weiler Derfji, der älteste Dorfteil von Embd;
Quelle:Johann Christina: Erinnern sie sich. Augstbord
Ufum Ämderbärgji, da wachst halt a Wii,
As Lüter, so süür wie nur äppis cha si.
De Ämdini sälbscht ischt di Dinni scho rächt,
Insch andre aber ischt er fer Essig noz'schlächt.
Da kherit di Gschicht, wa mier sälber ischt passiert,
Da säg mer no einä, ich si nit guraschiert.
Wer aber Chlupf het, der cha nummu gah,
Äs chunt der Tifel dri vor, der chenti nu fah!
D's alt Chaschlisch Bueb, der Josu-Marie,
Nimmt mi in u Chäller und bringt us Glas Wii.
Ich hämmi zerscht bchrizgut und hä gibätet derbii:
"Jer Heiligu älli, hälfet mer doch, daß i mus sii!"
Mit der Hilf und der Gnad Gottes häni gitrüchu mis Glas.
Da bringt's mer nu eis us em Jodrufaß!
"S'ischt genüeg, Josi«, so sägi, „seltis der Tiifel sälbscht si,
Ich glöibu nit, daß ärs wäre dem hundsschlächtu Wii."
Doch kümm häni das Wort us um Müül üssa gla,
Da schteit, bhietisch Gott, der Tiifel scho da!
Und Eügu het er gha wie ne gfrierige Chatz,
Ä Hüt und a Schwanz wie ne gmüsiti Ratz.
Der Tiifel seit hutzig: "Jetz lüeg, ich bi da!
Jetz magscht mer der Wii us dem Faß üssa la!
Ich trichu us Faß, das ischt mini Wett,
Gwinni, so reichin di nu hit us em Bett!"
as häni wellu machu? Miis Wort hani gä,
Und Wort ischt halt Wort, mi sollt's nit zrugg nä!
Doch hanu mu gseit: „Lüeg, Tiifel, lascht mer e Fiechti la schta,
Tüön der ab dem Grind beid Horu abschla!“
Der Tiifel het glachut und schtitzt as Glas a,
Tüe verdrähts nie schiss Müül bis an d'Ohrini a.
Und d'Eügu het's mu brungu, weiß Gott wie wist üs,
Mu hätti drüf chennu büwu Schiir, Stadel und Hüss!
Är verhet schi der Büüch und weewet und schriit;
"D'Wett hescht Dü gwunnu, ich lan di jetzt git!
E so nu's gottloses Lüüter hän mir Läbtag nie gha!
I wettu, das chenti die ganzu Tiifla nit üüsschta!"
Drum, liebe Liit, ich gibu nä en Rat:
"Ämder Wii triichet ni früe und nit spat!
Wer trichu will va dem hundschlächtu Wii,
Der müeß sälber äs giborus Ämder Chind sii!"
Quelle: Wir Walser II/1963, Seite 24
Besuchen Sie das schöne Walliserdorf Embd!